Estamos en plena campaña eleitoral. Mítines, cartelaría, valados publicitarios, merchandising de todo tipo, debates en televisión, espazos eleitorais gratuítos...
Non hai forma de evadirse da avalancha de estímulos publicitarios que se nos vén encima, e unha non pode por menos que perguntarse: onde ficou a ideoloxía dentro de todo este espectáculo?
Hoxe unha amiga pasoume imaxes dun mítin do PSOE antonte en Ponferrada. Ben poderían pertencer a un programa televisivo de monólogos humorísticos. Realmente aquí chegamos? Son esas o tipo de cousas que hai que dicer agora para gañar unhas eleicións?
Vexo algunhas imaxes (poucas) de campaña en televisión: a nena de Rajoy (de verdade iso foi o máis destacábel do debate?), os emoticons de ZP, Llamazares queimando fotos en Second Life (eso sí, que non se ofenda ninguén)... e me cuestiono cales serían as virtuais funcionalidades de levar a todos os asesores de comunicación a un gulag siberiano a ver se dunha vez nos enteramos de que defende cada quen. Bon, unha cousa teñen en común: os nacionalistas (periféricos) son mooooi malos!!
Igual é que lle dou demasiadas voltas...
1 comentário:
"levar a todos os asesores de comunicación a un gulag siberiano"
Esa idea namoraría a un amigo que teño...
Enviar um comentário